Витёнтэм ужрад

Туннэ пукисько сыӵе, зачетлы дасяськисько. Вконтакте гожто ужрадэ адямиос уг тырмо, али ик мыноно. Мон соглаш луи, ма со зачет. Кытчы ми мынӥськом, малы но кӧнялы мон ӧй тоды.

Вуимы озьыен Якшур-Бодьяе. Абдраса потӥ автобусысь. Мынӥм кыӵе ке площадь вылэ. Со пичи инты магазин азьын. Татын 10 пӧсьтолэзе 2010 арын, 300 арес Якшур-Бодья черкогуртлы тырмон нуналэ, усьтэмын вал уникальной архитектурно-скульптурной ансамбль "Якшур-Бодья - открытый дом". Со сӥземын учырлы, ку татчы вуылӥз Александр I 1824 арын. Вань куноосты площадь вылын вите выжы кутскись выжылэсь Бодья, нырысетӥ памятник удмурт кышнолы Удмуртиын. Пичи пи но парсь - ваньмыз вуиллям учкыны император но солэн каретаез вылэ. Пи - выжы азинсконлэн пус, нош парсь - пус умой улонлэн но трос нылпи вордэмлэн. Капка сылэ, со вылын - пус Бодья выжылэн. Асау (священные) кызъёс но тангыра, вашкала музыкальной инструмент, иворто шумпотон Якшур-Бодьиысь учыръёс сярысь. Нылкышноос удмурт дэремен но ачиз Александр I возьматӥзы но мадизы милемлы та историез, перепечен куноятӥзы. Кинлэн потэ вал, соослэн пукыны парсь вылын луиз, тангыра вылын шудыны, коньдонзэ зыраны бадӟым рубль борды, фотография пуктыны императорен, но ваньмы ӵош, киосын кутӥськыса, кызъёс котыртӥ, синъёсты кыньыса, желание загадать карим. Собере мынӥмы асьме зарни карета доры.

Автобусын йыр висемысь дугдӥз, но Александр I кытчы ке ышиз. Со интые кыӵе ке нылкышно-экскурсовод вуиз. Со шуиз, ми, пе, мынӥськом али Ф.А. Пушиналы, Советской Союзлэн Геройлы, сӥземын нимо ульчаетӥ. Татын пуктэмын коркаос интые азьло мукет зданиос вал. ДОСААФ интыын, кылсярысь, постоялой азбар вал, кытчы император вуылӥз. Но та ульчаысь ми кожим Сюровай гуртэ. Кузь сюрес ӵоже экскурсовод милемлы мадиз ма азьло татын вал.
Тани вуим гуртэ. Татын удмурт куинь нунало сюан лэсьтӥмы. Организаторъёс удмурт кылын вераськизы нырысь, собере валамон луиз, тросэз уг валало шуса. Но ма карод. Вань обрядъёсты, ваньзэ, кызьы кулэ, лэсьтӥм. Табань сиим, гурезь вылысь нискыламы, кырӟамы, эктымы.
Собере милемыз столовое нуизы, ческыт сиським.
Кожимы музее. Татын адӟимы зэмос арбериосты, кудъёс верало, татын Александр I зэмзэ вал шуса. Пӧйшуръёслэсь та нюлэсъёсысь чучелооссэ адӟим. Этнографической отделын вашкала удмуртъёслэн ужъёс сярысь тодӥм, тунаськонъёс сярысь но. Милемлы но эскертыны сётӥзы. Нылашъёс шумпотыса тунаськизы.
Кыклы милемыз люкизы собере. Одӥг группа мынӥз выставочной залэ, нош мукет поделкаосын выставкае. Выставочный залын ми пумиським суредаськисен Д.Нелюбинэн. Суредъёсты учким, асьмеос но суредаським. Поделкаосын залын асьмеос обезьянэз лэсьтӥм - кыз вылэ шудон, брелок яке коть ма мукет.
Та вылын йылпумъяськиз ваньмыз. Туж тунсыко экскурсия вал, ми Якшур-Бодья ёрослэн вашкалаэн тодматским. Эшшо чебер инкуазь татын! Якшур-Бодья 80% нюлэскысь пӧрме ук.

Мозговой штурм

Таяз субботае В.Шергин выльысь вуылӥз ми доры. Соин кык нунал ӵоже занятие-интенсив ортчиз.
Вуим ми котьку кадь ик кык часлы. Витим Шергинэз, пьесаосты, кин кыӵе лыдӟиз, обсуждать карим. Шергин вуиз но гуртын уж лыдӟыны кутскиз. Ми фотографиосты бырйим, но соос вылысь яке соос сярысь пьеса гожтыны кулэ вал. Мон уйин гожтӥ, котьку кадь берпуметӥ нуналаз кельтӥ ужме. Олома но йырам лыктӥз, ачим абдрай. Уйин тунсыко гожъяськыны. Собере ньыль час изьыса, мынӥ ШУД-э. Табере отын пьесаме лыдӟизы но яраз со, лэся. Нырысь мае ке но коть лэсьтӥ шуса малпай, ато теликын ини возьматӥзы, нош номыр ӧй лэсьты на эшшо, умой уг поты. Озьы лыдӟиз Шергин милям ваем пьесаосты, эшшо ачиз кинлэсь ке ваем. Собере шуиз уйин кыльыны кулэ, выжыкылэз гожтом, пе. Ми абдрамы, но та малпан классной потӥз, мон соку ик соглаш луи.
Перерыв лэсьтӥм "Колбаса/фрагменты" пьесаез учконлы. Мон кыкетӥяз учки ни, куинетӥяз но учко, кулэ луоз ке. Собере мынӥм нош ик Арт-Резиденцие.
Дас-дас кык кузя люкаським, тани ваньмыз кутскиз. Мозговой штурм. Шергин возьматӥз кызьы кутсконо пьеса вылын малпаськыны, ужаны, ку заказчикъёс ичи срок сётӥзы и тема тӥледлы ӧвэл кулэ малпано. Асьсэлэсь. Та секретной инфа:D Мынӥськом азьлань.

Ми дас адями вал, котькудӥз одӥг сценаез гожтӥз но быдэс пьеса пӧрмиз. Ӵукна редактировать карыса пуким, мон укмысозь гинэ быгатӥ пукыны, кошки общагае изьыны. Нош кин ке дас кыкозь пукиз на. Куинь часэ пьесаез лыдӟыны-возьматыны кылемъёслы кулэ вал. Арт-Резиденциын пичи партизанчикъёс заниматься каро вал, ми соослы лыдӟыны малпамы. Выжыкыл ук. Нош тросэзлы ӧз яра, мкш одӥг Шергин лыдӟиз, нош пиналъёслы возьматыны кулэ, читкаез уг быгато кылзыны. Кин бадӟымгес гинэ вал, соослы яраз, кызьы Шергин вань персонажъёсты пӧртэм возьматыны быгатӥз. Одӥг нылаш шуиз озьы: "Мыным ӧз яра удмурт горд пи - Лопшо Педунь (*ми со сярысь гожтӥм, удмурт пьеса ӟуч кылын), мкш мынам дышетӥсь-удмурт монэ ултӥяз. Соин табере мон вань удмуртъёсты уг яратӥськы." Озьы но луэ.
Собере ваньмы кошким гуртэ.
Мон та дыр ӵоже умойгес тодматски тунсыко-претунсыкоесь адямиосын, олома но сярысь вераським. Ми доры одӥг полячка ветлэ, кылсярысь. Со УдГУ-ын кыӵе ке программая дышетске филологлы. Солы туж яра путешествовать карны, со кытын гинэ ӧй вал, автостопен но ветлылӥз. Туж яра солы Грузия, мкш "там душа, прямо душа-душа, я влюбилась с первого взгляда!" Соин Ижын солэн одӥгез яратоно интыосысь - со рынок :D Но кулэ вераны, Иж солы яра.
Та одно ик крутоесь шутэтскон нуналъёс вал! Мон мукет нуналаз дышетсконысь бертӥ но изьыны выдӥ соку ик. Соседкаос сайкатӥзы, серекъяло, уг быгато. Монэ камерае снимать каризы. Отын мон олома но вераськисько вал. Сыӵе трос впечатление басьтӥ.

Боженька

Шӧдтэк шорысь мон театре ветлыны кутски. "Les Partisans" нимо театрлэсь постановкаоссэ, читкаоссэ выльысь но выльысь учкеме потэ.
29 шуркынмонэ ветлӥ В.Печейкинлэсь "Боженька" нимо пьесалэн читкае. Со сыӵе пьеса, кытын асьме нуналысь нуналэ улонысь важной событиос возьматэмын мусо пӧйшуръеслэн улонзы пыр. Сыӵе гротескной пародия.
Пумаз обсуждение вал. Мон кылзӥськыны кыли. Таӵе кылъес веразы:
-татын возьматэмын вань социальной институтъёс
-юан религия сярысь кылдӥз: малы соос, туалетэ мыныку, вӧсяськыны мыно шуса малпало вал
-юан (уг валаськы, кызьы удмурт сямен луоз) "честности с самим собой"
-пьесаын сыӵе поворотъёс вань, ку тон урод герой сярысь умой малпаны кутскиськод - аслэсьтыз правдазэ адӟиськод; соин ярлыкъёсты ошыны ӧвэл кулэ
-трос юанъёс сётэмын, кудъёс вылэ ответъёс ӧвэл; татын адӟиське зэм искусство, мкш искусство - со юанъёсты сётон
-та пьесаез возьматыны быгатыны луэ пичиослы но, бадӟымъёслы но; кызьы вераз Ньютон, тон шарлатан, ку уг быгатӥськы секыт малпанэз пиналъёслы валэктыны
-ӵушъял одӥгез соос пӧлысь дуннеез эскериз, соин, дыр, "Инмар" вуиз солэн гуртаз
-малы эрикез яратӥсь тури ассэ ӝог прищучить сётӥз? Яке со мученической кулон вал, яке та системаын мукет мае ке лэсьтыны ӧз луы солэн
-Россиын театрез воспринимать дышизы мнение сётон кадь, кудзэ тон соку ик поддержать карыны кулэ, нош кунгож сьӧрын та авторлэсь мнение гинэ шуса тодо; милемлы но кулэ озьы дышыны
Но трос мукет малпанъёс веразы на обсуждение ӵоже. Та пьеса сяна, мынам потӥз тодматскыны В.Печейкинлэн мукет пьесаосын эшшо на. Интервью но лыдӟи татын http://vk.com/away.php?to=http%3A%2F%2Fptj.spb.ru%2Farchive%2F74%2Fsociality-or-die%2Fvalerij-pechejkin-pochemu-bymne-nevesti-naciyu-vpodvaly%2F&post=-107688742_4
Туж крутоесь шудӥсьёс но офигенский текст монэ лобӟытӥзы!

about ШУД

Таяз субботае милям вал кыкетӥ занятие. Гуртэ уж лэсьтыса, оформлениен янгышамы. Соин тае разбирать карим.
Драматургия - со чурыт, грубой искусство. Соин глобальной проблемаосты возьматоно ӧвэл кулэ, конфликтэз адямиос куспын гинэ. Макем конкретнойгес, сокем умойгес. Эшшо умой драматург кулэ выль адями тип малпаны, гожтыны современникъёс сярысь. Юмор кулэ луыны. Зрительлэсь, лыдӟисьлэсь синвузэ поттыны понна, нырысь серекъятыны быгатоно. Улонэз чаклано, эскероно сыӵе палъёссэ, кудъёссэ ум адӟиське.
Идеальной сцена сярысь. Шедьтоно главной героез, целез малпано. Ми тодыны кулэ, ма потэ одӥг адямилэн мукетлэсь. Макем вачепумит цельёс, сокем лэчытгес конфликт. Пуш конфликт возьматоно: триада - вера одӥгзэ, малпа кыкетӥзэ, лэсьтэ куинетӥзэ. Исходной событие кулэ воштыны геройёсты но лыдӟисьлэсь-учкисьлэсь отношенизэ. Нош адямиос-геройёс уг вошъясько ук. Соин шонергес верано ке, вошъяське пуш состоянизы.
Одӥгез валтӥсь драматурглэн цельёс пӧлысь - со пӧяны ожиданиосты, абдратыны. Соин развязкаос неожиданной луыны кулэ. Таӵе юанъёсты учким.
Собере Миша Соловьев Любимовка фестиваль сярысь мадиз. Но параосъя люкиськыса, кыӵе ке сцена басьтыса, малпано вал солэсь азьвыл событиосты но выльдытоно.
***
Ӵуказеяз вуи филармоние В.Шергинлэсь "Колбаса/фрагменты" постановкае. Тунсыко, но нырысь  шуг валаны вал, ма лэсьто шудӥсьёс. Синъёс ӧз на дыше.

Школа удмуртской драматургии

Шӧдтэк шорысь отрядысь эше ШУД-э но пыриз. Тани вуим ми арт-резиденцие. Вуиз Павел Зорин но кутским тодматскыны.Тунсыко потӥз мыным сыӵе факт, что тросэз дышетскисьёс литератураен нокызьы герӟаськемын ӧвэл, мон кадь - юридической, инженерной, медицинской, экономической факультетъёсысь. Творческой адямиос котькыӵе ужын кулэ ук, нестандартной решениос юртто азинсконлы.
Милям дышетӥсьёс - Павел Зорин но Валерий Шергин. Толон Шергин ӧй вал, со толэзе огпол гинэ быгатоз вуылыны.
***
Пьесалэн кулэ луыны исходной событиез, кудӥз йӧтэ вань персонажъёсты. Со будэтэ конфликт, быдэс пьеса ӵоже улӥсь. Конфликтэз усьтоно каллен. Но котькуд кыл пьесаын конфликтэз кулэ возьматыны яке со пала кожонэз. Пространной малпанъёсты конфликтэз возьмато гинэ ке, гожтоно.
Кинематографен ке ӵошатоно, интыос, кытын действие ортче, ичи кулэ луны. Герой вера одӥгзэ, малпа мукетсэ, лэсьтэ куинетӥзэ - ӧвэл гожтоно соку ик, ма солэн каремез потэ. Режиссерлы малпаськыны кельтоно инты - ремаркаосты ичи гожтоно. Кыӵе шрифт но кӧня объём кароно веразы.
Тани теоретической солянка, мае мон тодэ вайыны быгатӥсько. Котькуд занятие бӧрсьы тазьы гожто, медам вунэты.
***
Практической уж но лэсьтӥм. Пӧртэм пьесаосысь исходной событиосты утчамы. Собере параосын исходной событиез малпамы но пичи нырысетӥ сцена гожтӥмы. Милям мон понна кыӵе ке правильной литературной слог вал но Зорин тае шӧдӥз. Соин со гуртэ уж сётӥз улэп вераськонъёсты кылзыны но почтае солы келяны. Таӵе упражнение мыным тунсыко потӥз но ма мыным кулэ. Мон кышкасько кыӵе ке урод кылъёсты вераны улонын, гожтыны но, нош зэмос улонын олома луэ ук. Тае кызьы ке возьматыны кулэ. Урод кылъёслэсь кышкаса, мон асме пӧясько.
***
Мон туж шумпотӥсько татчы пыремлы. Театр сярысь трос тодо, асме умойгес валало пьесаосты гожъяса, кин тодэ, умой мае ке гожто может.

Диспрессия

Огъяулонниын соседэ математикая гуртэ уж лэсьтэ. Кызьы, пе, диспрессиез утчано? (дисперсиез со озьы нимаз) Табере диспрессия луоз ке мынам, та учырез тодэ вайыса, соку ик кошкоз))

Йыр порымон

Мон верай вал заметкаосты гужем проводник ужам сярысь берло гожто. Со бадӟым янгыш вал. Вань, ма сярысь мон гожтысал, йырысь лобӟиз ни.
Нош одӥг заметкаме мон тетрадь вылэ ӧй вунэты гожтыны. Со вал ку ми Нижневартовске мынӥмы, Красноуфимск палан кытын ке. Мынам уй смена вал, но ньыль-вить час куспын укноын чебер, йыр порымон пейзаж кылдӥз: гурезьёс, тыос, пичи гуртъёс котыр писпуос. Мынам пушкам ваньмыз берытскиз, мон уж сярысь но вунэтӥ, умой ваньмыз пассажиръёс кӧло на вал. Укное "залипать" карса быдэс час, дыр, мынӥ. Собере басьтӥ тетрадьме но вань контактысь мимимишной пабликъёсысь йырам информациез синтезировать кари текстлы. Одӥг минута ӵоже гожтӥ, кыӵе ке духовной пик-а мар-а вал. Гожтӥсько озьы, кызьы тетрадьын вал, уг быгаты чебер берыктыны.
***
Не хочу критиковать больше ничего и никого. Всё плохое: люди, события нужны для того, чтобы мы ценили хорошее. Если что-то у кого-то не получается, значит он просто занимается не своим делом. Но для самого человека это что-то даст. Доверьтесь судьбе, отдайтесь жизни, много трудитесь и всё будет круто! Берите ответственность за свою жизнь в свои руки и совершайте собственные поступки, не навязанные кем-то. Любите других людей, будьте щедры к ним и прощайте их. Забывайте всё плохое, если же не получается, избегайте таких людей, мест и думайте о чем-то приятном.
Я стала мыслить шире!=)
Всегда узнавайте что-то новое и учитесь новому.
Не скучайте по людям и местам. Любите то, что рядом именно сейчас. Люди сами портят себе и близким настроение своим скучанием. Не нужно о них забывать, грустить же не стоит. Радуйтесь возможности встретиться с близкими, побывать в любимых местах, но не огорчайтесь, если таковой не представиться.
Критика нужна для улучшений. Но ее нужно предоставлять как факт и не портить себе настроение, если что-то не так. Во всем плохом есть хорошее. Юмор, доброта, щедрость, внимание - и нет никаких границ!
***
Табере ӧжыт дыр ортчиз ни, но мон валасько - со пырак озьы ӧвэл. Ми адямиос, но милям вань эмоциос, чувстваос но настроение вошъяське ӵем. Та малпанъёс - утопичной. Нош тӥ кызьы малпаськоды?
Но мон валай, мынам аспӧртэмлыко путешествие та малпанъёсты йыре пыртӥз, озьыен путешествовать кароно, малпанъёс чылкытгес луо.

Туала гужеме

Студент луон дыр - самой шудо дыр, верало. Малы? Трос эшъёс, пӧртэм ужрадъёс, трос кужым. Кин нош вожатой, проводник, строитель но мукет отрядъёсы пыре, солэн эшшо бадӟым семья кылдэ. Отрядникъёслэн вань пӧртэм принципъёс: юрттыны ог огзылы, "мон ӧвэл, вань ми", кылсярысь. Кытысь мон тае тодӥсько?

Шӧдтэк шорысь та аре мон проводник луи. Вуи татчы мукет каръёсты адӟон понна, адямиосын тодматскыны, коньдон басьтыны но улонлы дышетскыны.

Нырысь отрядъёслэн презентациез, отрядэз быръён, отрядной собрание, ужрадъёсы пыриськон, форма басьтон, медосмотр ортчон... табере вуиз дыр ужаны. Ноутбукез уг басьтӥськы сьӧрам, соин вите заметкаосты гужем ортчем бере)

Тылси

Туннэ базаре выль дӥськут понна мынӥ. Отын-татын ветлыса, адӟи книгаосын ӝажыосты. Ма та таӵе, библиотека усьтэм инбам улын-а мар-а малпаса, мынӥ учкыны.
Отын ужаз пересь воргорон. Со книгаосын вузкариз вылэм. Дышетскисьёслы, студентъёслы дуныз ичигес - мыным кык книга тямыстон манетэн луиз. Сыӵе дуныз ке, прибыль нокыӵе, дыр, уг басьты со, малпасько. Малы нош ужа соку?
Ку кышноез кулӥз, со вань аслэсьтыз книгаосты ӝуатыса кельтӥз. Огпол солы эшлэн пиез быдэс машина книга вайиз вить сюрс манетэн. Та воргорон вуиз базаре, татчы ӝажыосты вайиз но усьтӥз вузкаронзэ. Озьы та ужлэн кутсконэз луиз. Мукет адямиос но солы вуж книгаосты ваё. Пенсия ке ӧй луысал, со ӧз быгатысал ужаны. Нош али каллен-каллен выре. Та ужез гинэ лэсьтоно ке, куинь поллы тросгес книгаосты возёно, аренда но тросгес тыроно луоз. Куазь но люкетэ: зорлэсь но шундылэсь утёно.
Шуг-секытъёс вылэ учкытэк, та пересь воргорон ужа. Таӵе адямиос вань понна мон шумпотӥсько. Отчы одно ик выльысь вуо, эшъёсты но ваё.

Индиысь ярмарка

Контактысь иворъёс пӧлысь адӟи Индиысь Иже вуись вузкарисьёс сярысь ялонэз. Отчы студентъёсты ужаны утчало вал, индусъёслы юрттӥсь луыса. Мыным тунсыко потӥз та ужрад, но мон, эшъёсты ӧтьыса, малпай эскерыны. Нош нокинлэн ӧз пӧрмы (отын быдэс нунал ужано вал), соин огнам, кышканэз куштыса, мынӥ отчы.
Мон вуи куинетӥ ужан нуналаз гинэ, мкш дышетскон ӧз быры на вал. Пумитаз монэ нылаш, шуиз интыос, пе, ӧвэл ни. Нош ӧжытак вити но, инты мыным всё-таки шедиз. Отын трос лавкаос пӧртэм арбериосын сылӥзы.

 Сыӵе вывескаос вал.

Мон сюри дӥськутэн вузкарон интые. Отын ужазы кык нылъёс ини. Соос мыным ваньзэ мадизы, ма лэсьтыны. Мон ноку ӧй вузкары на, соин кызьы адямиосын вераськыны, ма карыны шуэктӥ. Кӧня ке синъёсын лопыръяса сылӥ но коллега мыным шуэ: "Озьы сылод ке, тонэ ӵуказе уз ӧте татчы. Толон нылашез уллязы тазьы ужамез понна, со бӧрдыса кошкиз." Тӥни малы мыным инты шедиз, малпасько. Кутски ма ке карыны. Озьыен нырысетӥ нунал быриз, коньдон басьтыса, бер пыдъёстэк вуи огъяулонние.
Ӵуказеяз Саня (Сани нимыз вал) монэ но эшшо одӥг нылашез келяз мукет Саня доры (Шану нимыз). Ярмарка котькуд нуналэ паськытгес кариськиз, выль лавкаосты усьязы. Оло со понна, оло ужаммы ӧз яра - но нырысетӥ интыысь ми кошким. Сюрим мукет дӥськут пӧлы. Татын со вуремын умойгес вал, соин мыным вераны адямиослы трос кылъёсты кулэлыкес ӧй вал ни, асьсэос адӟизы умойлыкес, выль кузё но ӟечгес - мылкыдо, капчи сюриз.
Куинетӥ нуналэ усьтӥзы эшшо одӥг лавка, пӧртэм овощерезкаосын. Мон мынӥ отчы. Табере эшшо выль кык кузёослы тросгес луиз. Овощерезкаосты басьяллязы ӧжытак гинэ, соос Россиын но вань шуыса, соин мукет нуналаз соосты ичиёмитызы но усьтӥзы дӥськутлэн кыкетӥ отдел. Вешалка понна мон кык пол фикс-прайс магазинэ бызьылӥ, вить пакетэн бертыса.
Ньылетӥ нуналаз уж умой мынӥз ни, мон дыши. Кӧня ке кылъёс хинди кылын дышетӥ но кузёосын вераськи, соос монэ али ик гажаны кутскизы, сиён но сётӥзы)) Паспорт визаосын но одӥгез возьматӥз, кытын гинэ со ӧй вал!

Мукетыз коньдонзэ возьматӥз, рупи нимаське. Махатма Гандиез тодмай - школаын историез токма ӧй дышеты.

Котькинлы ас кылыз дуно ук.

Мукет нуналэ мон дышетскыны кошки. Собере ужай на кык-куинь нунал. Нош сизьыметӥ инвожое, берпуметӥ выставка ужан нуналэ, мон басьяськыны вуи. Синъёс асьтана-пасьтана бызьызы, коньдон трос ке, отын быдэс нунал ветлыны луоз. Нош мон гуртэ пичильтык кузьымъёсты басьтӥ гинэ. 

Та ярмарка 29 куартолэзе кутскиз но 7 инвожое быриз. Та нуналъёс - Ижын гинэ ужамез, нош али вузкарисьёс эшшо Пермь каре кошкизы. Мон татын ужан дырез йырын возё быдэс улонме: нырысетӥ мукет элькунысь адямиосын вераськонэз, соослэсь культураен тодматскемез. Берпуметӥ нуналъёсы отысь кошкыса ульчаын индусъёсты адӟеме потэ вал, та атмосфера сюлэме пыриз.
Озьы мон Удмуртиысь кошкытэк ӧжыт Индиын улӥ)

Йыртэмпол

Эшъяськон юртын ортчиз Марина Пахомовалэн "Йыртэмпол" кылбур бичетлэн презентациез.
Отчы котьку таӵе ужрадъёсы кулэ пырись редакторъёс, критикъёс, эшъёс сяна вуизы авторлэн анай-атаез но. Кыӵе соос данъясько Маринаен! Шумпото со понна, пичи дырез сярысь мадизы: огшоры нылаш со ӧй вал, мур ас дуннеын куддыръя улӥз. Малпаськыны быгатонлыкез кылбуран удысэ сое вуттӥз. Нош тунсыко малпанъёсты вольыт, чебер гожъян понна, поэтесса кылъёсын быгатыса шудэ но ритмика возе. Кылъёс пӧртэмесь, мон куд-огзэ ӧй вала, словарной запас Мариналэн зэмзэ бадӟым. Ритмиказэ пусйизы, ачиз но со паймыса шуиз: кылбуръёс, пе,  трос ӧвэл на, нош кырӟанъёс куд-ог соос вылэ гожтэмын ини.
Ӝытлэн пумаз атаезлэн но кыл верамез потӥз, дото сюлмаз пыриз та ваньмыз (атайёс шер верасько ук публика вылын). "Трос тодмотэм кылё кылбуръёсты кылдытӥсьёс, тунсыко малпанъёс уг шараясько,"- шуиз со. Одӥг адямилэн кылбурзэ лыдӟиз, кытын автор улон сярысь малпаське: адями парсь но ӧвэл, тылобурдо но ӧвэл - музъем но инбам вискын улэ...
Котькуд адями малпаське маке сярысь, нош кылбурасьёс гинэ кельтозы ас малпанъёсты кагаз вылын.

Марина Пахомова соос пӧлын.

ЭЛЬ НЫЛ 2015: удмурт мода фестиваль

Куинетӥ ар ини Ижкарын ортче удмурт мода фестиваль. Та аре со 16 оштолэзе Ижкарлэн Музеяз вал. Туала мон нырысетӥяз адӟи, ма со сыӵе. Не только адӟи, мыным эшшо удалтӥз отын модали луыны.
***
Записки несостоявшейся модали
Part 1. Дасяськон.
Одӥг толэзьлэсь ичигес ми, выль модали луыны дышетскисьёс, тыршимы чебер ветлыны, оттяжкаен, фиксация лэсьтыны, мыняны. Нырысетӥ нунал бӧрсьы, зэмзэ вераса, мынам ветлэме ӧз пот ни: номыр ӧй быгаты лэсьтыны. Мылкыд быриз. Соку мон малпай, озьы ваньзэ кушто ке, номырлы уг дышетскы. Басьтӥ асме киям но азьлантӥ занятиосы ветлонэз. Ӧжыт ветлыса, ми Петровскиын art-drugs арт-пространствоын показ лэсьтӥм. Со пробник Эль Ныл азьын вал вылэм. Мон ӧй малпа, милемыз ваньзэсты фестивале кутозы шуыса. Кинлэн умой луоз, со ик мыноз гожтэмын вал ук. Нош даже монэ, косячной косякез басьтӥзы. Та дасяськон дырез тодэ вайыку, йырын бергало Даралилэн кылъёсыз: "Ма тӥ опять тупитьтӥськоды?! Мон дас пол верай ук ини, кызьы кароно." Серем али тодэ вайыны ваньзэ, тунсыко вал. Нош кызьы ми кылдытӥм перформанс-шоу - бадӟым секрет)))
Part 2. Эль Ныл.
Куинь часэ 16 оштолэзе мон вуи Ижкарлэн Музеяз. Отын визажистъёс но парикмахер милемын ужазы. Ноку но мыным сыӵе макияж ӧз карылэ на. Нырысь кельшиз, нош собере мон валай секыт синъёсты усьтыны но мыняны луиз шуыса. Котьку косметикатэк ветлӥсько, нош али трос олома но зыразы, непривычно. Озьы дасяськыса ортчиз кӧня ке дыр. Дизайнеръёс, фотографъёс, журналистъёс, учкисьёс вуизы. Тани ваньмыз кутскиз. Особенно киос-пыдъёслэн дырекъян. Ма собере вал мон бус пыртӥ кадь адӟисько. Туж кышкыт, туфлиос 34 размер нокытысь ӧз шедьтӥське но, ӝыныё ватаен тырмытэмын вал, прости господи)) мыняны ӧй быгаты. Фотоосты табере учкыны кышкасько. Мае ми возьматӥм, фотоосты, мнениосты, кырӟанъёсты шедьтыны быгатӥськоды та группаын https://vk.com/elnyl2015. Мыным туж яразы Полина Кубисталэн но "Горт" мастерскойлэн ужъёсыз. Ку ваньмыз йылпумъяськиз, ми мынӥмы S-баре. Отын Дарали Лелилы Алексей Шкляев анонимной предпринимательлэсь кузьмаз букет, нош милемлы котькудӥзлы розаез. Ми шумпотӥмы, мон куштэм инстаграм сярысь но тодэ вайи даже. Тазьы быриз та ужрад.
Part 3. Ма мон валай, ма аслым татысь поттӥ.
1) Табере тодӥсько, кызьы ветлыны чебер. Теориез))
2) Выпускной бӧрсьы кыкетӥяз улонын каблук вылэ султӥ. Дышетски ветлыны усьытэк.
3) Тодматски тунсыко адямиосын.
4) Адӟи чебер закатъёсты.
5) Валай, что ӧвэл кулэ сураны понятиосты эгоизм но чувство собственного достоинства. Кулэ астэ яратыны. Татысь потэ мукет малпан.
6) Уверенной луоно, аслыд осконо. Соку гинэ вань потенциалэд потоз.
7) Бесценной опыт басьтӥ.
8) Словила печальку, ку репетициын ваньмыз удмурт сямен вераськизы, нош мон ӧй быгаты. Зато малпаськисько удмурт кылын ӵемгес ини.
ну и трос мукет, али йырам уг лыкты
Озьыен, адямиос трос вераськозы на та ужрад сярысь, пӧртэм мнениос вань, нош мон номыр уг вера. Отчы пыриськыса, кужымме сётыса, мынам аслам субъективной малпан кылдӥз. Шуо озьы гинэ: эн кышкалэ асьсэ выльын эскерыны, номыр уз пӧрмы ке но, со луоз опыт, тунсыко тодэ ваёнъёс кылдозы.

Айшет будущего

Кемалась ик ӧвэл потӥз "Айшет будущего" нимо кылбур бичет. 19 южтолэзе вал творческой пумиськон солэсь авторен Богдан Анфиногеновен.
Журналистика факультетысь студентка Мария Золотарёва интервью басьтӥз, собере юанъёсты сётъяллязы, критикъёс ас кылзэ веразы но Богданлэн эшъёсыз, сое ӟечкыласа, кырӟазы.
Мон Богдан сярысь тодӥ эшшо укмысэтӥ классын журналистикая проектэ пырыку. Елена Васильевна Миннигараева милемлы солэн ӟучо-удмурто гожъяськемез сярысь мадиз. Соку ик мыным тунсыко сыӵе стиль потӥз. Мон та стилен кылбур но гожтӥ, нош собере ыштӥ сое. Трос дыр ортчиз ни, нош Богдан та стилен ик гожтэ, умойгес но умойгес каре сое. Соин ответ критикъёслэн юанзы вылэ "Кыӵе луоз Богдан дас ар ортчыса", "Ма сярысь, кызьы гожтоз со витьтон арес вуыку" мыным потэ сыӵе: "Со али кадь ик луоз". Вкусъёс воштӥсько, ку соос кинэн ке навязать каремын, кытысь ке адӟемын. Нош солэн стилез аслаз, со сое кылдытӥз, нокин вылэ ӧз учкы. Маяковский вылэ ке тупа, со кык кылэн ӧз гожъя ук.
Трос кылъёсысь лэсьтэм кылбуръёс Богданэз разносторонне развитой, визьмо адями кадь возьмато. Кызьы шуиз одӥгез эшез, со "кылъёсын жонглирует озьы ик, кызьы цирковой артист шаръёсын". Мон вӧзын кин ке вераз, со зол кылъёс шуыса. Бен, озьы, зэм. Кин лыдӟиз кылбуръёссэ, тодэ, кыӵе чебер чузъясько соос, кыӵе бадӟым смысл отын понэмын но кызьы автор капчи, доступно секыт юанъёсты возьматэ.
Нош куд-ог критикъёс солы быдэсак удмурт кылын кылбуръёсты гожтыны совет сёто. Мон малпасько, вань трос мукет кылбурасьёс, кудъёс чебер удмурт кылбуръёсты кылдыто, нош Богданлы стильзэ ӧвэл ыштоно. Со индивидуальность, а не "ветрянка" мон понна.
Ӧвэл вунэтоно, малы Богдан озьы гожъяськыны кутскиз. Со удмурт кылэз ӧз тоды, ачиз дышетӥз. Ассэ удмурт шӧдыса, удмуртлык понна ужаны кутскиз. Солэн аспӧртэмлыко пайда ваёнэз кылбуръёс пыр вань: адямиос, кудъёс уг тодо удмурт кылэз, ӟучен тодматско но озьыен потэ удмуртэн но лыдӟыны. Удмуртэн ке ваньмыз вал, соос ма сярысь кылбуръёс ӧз но тодысалзы, дыр. Озьы публика паськытгес луэ, озьы Богдан мукет адямиосты ас пытьые вуттэ: кутскыны тодыны, гажаны удмурт кылэз, удмуртлыкез.
Богдан Анфиногенов - одӥгез адямиос пӧлысь, кудъёс мыным тунсыко пото.

***

Пумаз мон басьтӥ книгазэ, автографен))) Коллекция будэ. Отын вань кылбур "Мысли за неделю до 18-летия". Мыным тани арнялэсь ичигес дас тямысозь улыны кылиз на, нош мар сярысь мон малпаськисько? Ӧйтӧд:)

Россилэн яратоно сайт - Вконтакте

"Тон кыӵе ке кулэтэм тодон-валанъёсын копилка кадь," - шуиз мыным огпол эше.
"Только эн вера, что тон тае контактысь тодӥськод," - вераз мукетыз эше, трос пол ини озьы стебать карыса та информационной порталысь мон маке мадисько ке.
Соос кыкназы контактын уг пуко. Номырез но уг тодо)))
Озьыен, контакт зэм но кулэ-а оло со йырез жаген гинэ тырмытэ?
Та сайт мон понна туж пайдаё. Новостной лентаысь мон трос тунсыко постъёсты, чебер фотоосты закладкае понӥсько, бӧрысь лыдӟо-учко шуса, но... соос сярысь вунэтӥсько. Озьы пичиен-пичиен тодон маке сярысь кыле, нош быдэсак предметэз уг тодӥськы. Туж трос информация ичи дыр ӵоже адями вылэ усе. Кырӟанъёс, фото-видеос, фильмъёс, бадӟым текстовой постъёс, ялонъёс, мукет адямиослэн улонысь чуръёс ми вылэ тоннаен кисьтӥсько. Ми малпаськыны но ум вутске умой-умой.
Пичи дырысен пукыны ке отын, пиналъёслэн мышленизы однотипной луэ. Али флешмоб кадь "скучашки", астуспуктэмъёсты ваньмы постить кариськом. Ки ачиз мынэ, малы ке шуоно котькуд нунал адӟыса, дышиськод солы, озьы кадь ик кулэ. А ма со милемлы сётэ?
Ваньмызлэн аслаз мугез, куддыръя асьмеос но ум шӧдӥське малы озьы кариськом. Соин адямилэн страничкая тодыны быгатӥськом характерзэ, хоббиоссэ, малпанъёссэ, мылкыдзэ. Озьы тодматскыны луэ тыныд тунсыко адямиосын.
Мукет мугез - со творчествоен вырон. Малпаськиськод ини, ма выльзэ стенае понод туннэ. Та но аспӧртэмлыко плюс.
Нош кызьы азьло адямиос улӥллям? Али но уло. Тӥни та кык эшъёсы трос кулэ информациез уг тодо, ваньзэ бер тодо. Нош мукет ласянь ке учконо, соос кулэтэм информациез но уг адӟо. Ваньзэ, ма соослы тунсыко, соос асьсэос утчало но шедьто.
Нош ма табере лэсьтом? Контактэк улонме али мон уг адӟиськы. Йырме но жаген тырмытыны уг пот. Контактын ик сыӵе веранэз лыдӟи: "Тон малэсь ке отказаться уд быгатӥськы ке, со тонэныд управлять каре. Нош отказаться кариськод ке, со кык полэс тонэныд управлять каре, малы ке шуоно тон астэ ограничивать кариськод но сдержаться ӧд кариськы ке, астэ пыкъятон, куректон ватсаське. Быдэсак мае ке отрицать кариськод ке, со управлять каре тонэныд пыдысь-йырозь. Солы тынад улонысь кусочекез тӥяны луиз. Соин баланс шедьтоно."
Тани татын но эсэпез (золотую середину) кулэ адӟыны: утчаны контактысь ма тыныд кулэ гинэ но али ик потыны.

Серекъялэ!

Улон укыр серьёзной арбери со сярысь серьёзно вераськыны понна. Вань милям обидаос, споръёс кылдо серьёзной луэмлэсь. Юмор гинэ милемлы юрттоз, мӧзмытоз куректонъёслэсь.
***
Туннэ кроватьысь тэтчыса султӥ но мыным сыӵе лякыт, шулдыр сюлэм вылын луиз. Оломартэк, озь гинэ, огшоры. Нош та дырозь куинь арня ӵоже асме урод шӧдӥ. Ваньмыз, маин мон выри, мыным тунсыко ӧз пот ни. Дышетскыны уг поты вал, тренировка малы мыным кулэ, мон тоже дугдӥ валаны, блогме ӧжытак ӧй кушты. Улонлэсь смыслзэ ыштӥ, мукет сямен верано ке. Мар луиз?
***
Огъяулонниын ми доры ветлыны кусткиз одногруппницае. Соин эшъяськыса, мон оломар сярысь малпаськыны кутски. Со ачиз тодытэк мынам мировоззрениме воштӥз.
***
Кин лыдӟиз О.Уайльдлэсь "Портрет Дориана Грея" нимо книгазэ тодэ, кызьы чылкыт пинал лулзэ Дорианлэсь саптаз выль эшез. Лорд Генри аслэсьтыз теоризэ эскерыса, сое сайкатӥз, улонлэсь яркыт буёлъёсты адӟыны дышетӥз. Со выллемгес ик А. мон вылэ влиять кариз.
***
Со сыӵе творческой бунтарь. Пичи дыръяз сое художкаысь уллязы, но, кулэ вераны, со туж чебер суреда. Нокин та сярысь ӧз тодысал, дыр, огпол плакат суреданы ӧм косэ ке сое. Со трос лыдӟиське но ваньмыз вылэ солэн аслаз мнениез вань, кудзэ со вера, солэсь юало ке, а не кеськыса вань дуннелы. Контактын ноку но зарегистрироваться ӧз кариськы. Со кин ке вылын серекъя ке, ас вылэ но учкын быгатэ. Школаын куиньлы-ньыльлы дышетскиз, нош ЕГЭ сдатьтӥз вань одноклассникъёслэсь тросгес но престижной факультетэ пыриз. Со, пе, анайлы доказать карыны тыршиз со лох ӧвэл шуыса))). Нош дышетскыны табере мӧзмыт. Инмарлы уг оскы. Ачиз тодэ. Может та амал солы кыр сётэ, со ачиз аслыз хозяин. Ваньзэ каре серекъяса, шулдыръяськыса, шузияськыса. Тани толон кухняын пиослэсь чайникысь быректэм вузэ кисьтӥз но кезьыт ву понӥз, нош кинлы ке шыдэ понэм сахар, а чайнике сылал. Тӥнь кин зэмос улонэн улэ! Со уг сюлмаськы, ма со сярысь малпалозы.
***
"Кыӵе мынам мӧзмыт улонэ, номыре умой карыны уг быгатӥськы, огшоры пурысь улонэн улӥсько,"- малпай мон. Нош али валасько - ваньмызлэн милям асьме сюрес, ми малы ке но кулэ. Эше вуж дуннеме уськытӥз, но выльзэ сюлмам кылдытӥз-усьтӥз. Бурдъяськи, проще луи.
***
Улон укыр серьёзной арбери со сярысь серьёзно вераськыны понна.

Кыл образование сярысь

Огпол милемлы англи кылъя дышетӥсь вераз: "Али сыӵе поколение мынэ, кудӥзлэн клиповой мышление йырын будэтэмын. Мон но отчы пырисько ини. Милям клипъёс кадь кыӵе ке отрывокъёс тодэ вайытско гинэ, быдэсмем, системной представление кыӵе ке предмет сярысь ӧвэл. Школаысен ини пиналъёс озьы малпаськыны дышо, собере вань улоназы та правило улэ. ЕГЭ кылсярысь. Та система лэсьтэмын дышетскисьёсты "поднатаскать" понна гинэ, со малпаськыны уг дышеты." Зэм, школаын ми трос списывать каримы, бадӟым произведениосты вакчияса лыдӟимы, одӥг уроклы дасяськыса, мукетсэ вунэтӥмы. Атаеным куке географиен гуртын уж лэсьтӥськом вал, со мынам тодон-валанме эскерыса воксё паймиз. Мынам вить географиен, но мон ичи тодӥсько шуыса. Соос, пе, азьло вань картаез наизусть мадьыны быгатӥзы. Туала отличникъёс ньыльлы гинэ ваньзэ тодо шуэ.
Социология параын дышетӥсь вераз сыӵе кылъёсты: "Туала образование - со зэмос образование ӧвэл. Тӥ татын пукиськоды выль адямиосты тодон, эшъяськон понна. Информациез тӥ котькытысь али шедьтыны асьсэос быгатоды, соин дышетскон та ласянь азьло кадь сыӵе бадӟым роль уг шуды."  Нош гуртын мон азьтэмъясько ке? Кулэ бадӟым самосознание аспоннад мае ке но дышетыны, школаын, институтын вань стимул со понна. Хотя кин тодэ, школаын но стимул уг луы куддыръя, дышетӥськом одӥг-ог темаосты гинэ. Озьыен клиповой мышление кылдэ.  Бен, милям али вань трос ресурсъёс, кытысь ми быгатӥськомы басьтыны информация. Нош мае басьтыны, ма милемлы тунсыко ми валаськом школаысен гинэ. И та туж зависит дышетӥсьлэсь, кызьы со ас предметсэ нуэ, ма сярысь маде сётэм темая но тема бордысь кошкыса. Али тодэ вайисько на сыӵе учырез. Нырысетӥ куарусёнэ сельхозкае вуыку, милемлы кыл вераз студсоветлэн председатель. Со шуиз милемлы учебникъёс сьӧрын пукыны трос кулэ ӧвэл, адямиосын, пе, тодматске, активноесь луэ. Нош ачиз со вань экзаменъёсты витьлы гинэ сдатьтэ.  Татын ужа правило: макем тросгес тынад ужед, сокем тросгес тон лэсьтыса вуттӥськод.
Ачид ке саморазвитиен ӧд выр, нокин но номыр тонэ малпаськыны уз дышеты. Озьыен асьмеос бырйиськомы, ма милемлы кулэ: ялкарон, азьтэмъяськон али дыре яке визьмо, малпаськись поколение вуонэлы будэтон.

Улон, пе, со сыӵе.

Ми нырысетӥ семестрын мировой экономикаез дышетӥмы. Мыным дышетӥсь яраз. Со оло мар но улонысь маде вал милемлы. Аслэсьтыз пи сярысь ӵем вералляз: со, пе, Америкае кошкем, отын ужа Microsoft нимо компаниын. Мыным тунсыко потӥз, кызьы со отчы сюрем, нош дышетӥсьлэсь уд юа ук. Шӧдтэк шорысь со та сярысь ачиз мадиз. Кыӵе ке темая, дыр, тупа вал та информация, али уг тодӥськы ини.
Нырысь, пе, пиез огшоры программист луыса ужаз. Собере сое но эшшо кык солэсь эшъёссэ кин ке адӟем но Министерство информации (информация Министерство, озьы, дыр, шонер) лэсьтыны косэм. Соос лэсьтӥзы. Нош отын котькытын кадь бюрократия кылдӥз: маке куроно ке, трос документъёсты, бумагаосты дасяно кулэ луиз. И соос пытсазы Министерствозэ, соослы ӧз яра озьы солэн ужамез. Мон озьы валай, может мукетгес вал, та информация туж шонер ӧвэл. Собере соос сайт усьтӥллям, отын тунсыко малпамзылы улон сётӥзы. Магазинъёсын котьку кыӵе ке но скидкаос, акциос луо. Соосты адямиос сайт пыр учкыны быгатӥзы. Туж пайдаё. Огшоры адямиослы. Нош бизнесменъёслы одӥг гинэ вред вайиз. Огпол одӥгез программист больницае сюрем, пулевой ранениен. Озьыен соос сайтсэс но пытсазы. Али ужало Google, Microsoft но Касперский нимо компаниосын, ваньзы Россиысь кошкизы.
Мон малы тае гожтӥсько. Дышетӥсьлэн милемлы верамез потэ вал, что али ми улӥськом секыт дыре. Умой малпанъёслы, калык понна, туннэ улонэ секыт потыны.

Кабачигуртын нош ик куноос

Рождество (удмурт кыллюкамын Рождество - Толсур, но ми озьы ум вераське) понна туннэ милям клубын вал концерт. Ми доры вуылӥз ансамбль "Айкай". Мынам нырысь мынэме ӧз пот, малпасько вал, телик бордын сиськыса пуко ай. Нош пичи сузэрике поттӥз.
Озьы ми концертэ вуим. Солэн эшъёсыз нырысетӥ рядын инты дасязы милемлы. Ойё, малпай мон. Школаысен азьпала интыосты кышкасько ук. Нош мар карод, соосын пукси ни.
Тани концерт кутскиз. Сцена вылэ потӥллям (огшоры гинэ ӧвэл - тэтчаса-эктыса) чебересь артистъёс. Соку ик задор омырын вӧлмытскиз. Одӥг шоканын вань концертэз учки. Отын кырӟазы, эктӥзы, оркестр шудӥз. Новогодняя увертюра мыным яраз, гырлы куара праздник шӧмез вайиз. Нош кырӟасьёслэн кыӵеесь кужмо, чебер куараос! А дэремъёсы кыӵе чебересь, вай-вай-вай. Сыӵе буёло, пужъетъёсын, синэз мальдыто, ваньзы пӧртэмесь.
Тани йылпум вуиз. Светлана Смагиналы приз зрительских симпатий сётӥзы. Мон ӧй жаля татчы вуи шуыса. Одӥгез гинэ ӧз яра. Малы куд-ог кырӟанъёсын припев дас пол мынэ? Мон малпасько, озьы лэсьто, чтобы адямиос кылъёсты дышетӥзы но аспонназы кырӟазы, мед шулдыр луоз. Нош мыным малы ке уг яра, выль кылъёсты потэ кылзыны. Но со мон понна гинэ.
Выль арен но Рождество праздникен, эшъёс!:)